I’ TE VURRIA VASA’ (1900)

Ah! Che bell’aria fresca

Ch’addore ‘e malvarosa

E tu durmenno staje!

Ncopp’a sti ffronne ‘e rosa.

‘O sole a poco a poco

pe stu ciardino sponte;

‘o viente passa e vasa

stu ricciulillo fronte.

Refrain:

I’ te vurria vasà…

Ma ‘o core nun m’ ‘o ddice ‘e te scetà.

I’ me vurria addurmi

Vicino ‘o sciato tujo

N’ora pur’i’.

Tu dorme oj Rosa mia?

E dorme a suonno chino;

mentr’io guardo ncantato

stu musso corallino.

E chesti carne fresche,

e chesti trezze nere,

me mettono int’’o core

mille male penziere.

Refrain

Sento stu core tuojo,

che sbatte comm’ a ll’onne

durmenno, angelo mio,

chi sta tu a chi te suonane!

‘A gelosia turmanta

stu core mio malato;

te suonane a me? Dimmelo…

o pure suonane a n’ato ?

Refrain