REGINELLA (1917)

Te si’ fatta ‘na veste scullata,

nu cappiello cu ‘e nastre e cu ‘e rrose…

Stive ‘mmiezo a tre o quattro sciantose,

e parlave francese… è accussì?

Fuje l’altriere ca t’aggio ‘ncuntrata?

Fuje l’altriere, a Tuleto, gnorsì…

Refrain:

T’aggio vuluto bene a te…

Tu m’è vuluto bene a me!

Mo nun ‘nce amammo cchiù,

ma, ‘e vvote tu

distrattamente pienze a me!

Reginè, quanno stive cu mmico

Nun magnave ca pane e cerase,

nuie campavamo ‘e vase! E che vase,

tu cantave e chiagnive pe’ me…

E ‘o cardillo cantava cu ttico:

“Reginella ‘o vuo’ bene a ‘stu rre”.

Refrain

Oj Cardillo, a chi aspiette stasera?

Nun ‘o vide? Aggio aperta ‘a cajola,

Reginella è vulata, e tu, vola!

Vola e canta, nun chiagnere ccà!

T’he’ ‘à truva’ ‘na patrona sincera

Ca ‘e cchiù degna ‘e sentirte ‘e canta’