MARIA, MARI’ (1899)

Aràpete funesta,

famm’affaccià a Maria,

ca stongo mmiez’ a via

speruto p’ ‘a vedè.

Nun trovo n’ora ‘e pace;

‘a nott’ ‘a faccio juorno

sempe pe sta ccà attuorno,

speranno ‘e ce parlà!

Refrain:

Oj, Maria, oj Marì!

Quanta suonno ca perdo pe’ te!

Famm’addurmì

Abbracciato nu poco cu te!

Oj, Maria, oj Marì!

Quanta suonno ca perso pe’ te!

Famm’addurmi

Oj’ Marì! Oj’ Marì

Mmiez’a stu ciardiniello

Nce ride ‘a malvarosa,

nu lietto ‘e fronn’ ‘e rose

aggiu fatte pe’ te.

Viene, c’ ‘a notte è ddoce,

‘o cielo ch’è nu manto…

tu dorme e i’ te canto

‘a nonna affianco a te !

Refrain

Para ca già s’arape

Na senga ‘e fenestella…

Maria c’ ‘a manella

Nu segno a me me fa!

Sona, chitarra mia!

Maria s’è scetata…

Na scicca serenata

Facimmela sentì

Refrain