MARECHIARE (1885)

Quanno sponta la luna a marechiare

Pure li pisce nce fanno l’ammore

Se revocano ll’onne de lu mare

Pe la prezza cagneno culore,

quando sponta la luna a Marchiare.

A Marchiare nce sta ‘na funesta,

la passione mia nce tuzzulea,

nu carofano adora int ‘a ‘na testa,

passa l’acqua pe’ sotto, e murmuléa;

a Marchiare nce sta ‘na funesta.

Chi dice che li stelle so’ lucente

Nun sape st’uocchie ca tu tiene fronte,

sti doje stelle li ssaccio io solamente,

dint’a lu core ne tengo li pônte.

Chi dice ca li stelle so’ lucente?…

Scetate, Carulì, ca l’aria è doce;

quanno maje tanto tempo aggio aspettato?

P’accumpagnà li suone cu la voce

Stasera ‘na chitarra aggio portato.

Scetate, Carulì, ca l’aria è doce!…